粵語搞笑結婚誓言

婚禮上，在愛之宣言說出口的那一刻，就是新娘最幸福歡喜的時刻，也是新人們一輩子最浪漫甜蜜的回憶。為大家帶來，感動與歡笑同在。

粵語搞笑結婚誓言：老婆老婆嫁畀我

老婆老婆嫁畀我，

今生只愛你一個。

每月家用任你攞，

你話企我唔敢坐。

若然我有乜做錯，

激到老婆把幾火。

罰我跪地頂菠蘿，

冇飯食兼挨肚餓。

老婆老婆嫁畀我，

婚后家務一再多。

洗衫煮飯把地拖，

我嚟搞掂冇啰嗦。

我洗碗時你睇Ball，

為你打造安樂窩。

晚晚陪你唱情歌，

包你冧到笑嗬嗬!

老婆老婆我愛你，

今生今世在一起。

時時刻刻牽你手，

共你一生到白頭。

粵語搞笑結婚誓言：《愛的宣言》

1. 老婆話一，我唔會話二

2. 洗衫煮飯我樂意

3. 人工全部都奉獻

4. 孝順雙親我愿意

5. 行街買野我卑錢

6. 無論大小事，都問過老婆意見

7. 百般遷就，永不返議

8. 一心一意，無微不至

9. 服侍老婆系我大志

本人在此立誓，請各位兄弟姐妹見證

簽署:---------

粵語搞笑結婚誓言：賓仔娶老婆

我 (新郎名稱) 娶靚老婆，洗衫煮飯唔厭多

買餸拖地兼按摩，做埋賓仔唔太過

全副身家歸你管，出糧過戶俾老婆

求求老婆幫幫我，快快趣趣生番個

咁樣唔算好太過，齊齊開心過世啰!

總之我保證我會比之前更加愛妳、钖妳、令妳成為呢個世界上最幸?？鞓芳萖師奶。

(新娘名稱) 我愛妳!

見證人：各位鄉親父老、叔伯兄弟、靚仔靚女

一生一世愛妳既賓仔 (新郎名稱) 老公仔

簽署：________________

終身合約做賓仔

日期：________________

粵語搞笑結婚誓言：最聽話的老公

給至愛的老婆大人 (新娘名稱)：

經濟大權在妳手，每日廿蚊我就夠

洗衫煮飯無叫抖，做牛做馬又做狗

老婆生日年年有，一定送車又送樓

外母竹戰場場贏，斟茶遞水好幫手

豬朋狗友約飲酒，老婆say no無得走

見到靚女掉頭走，如果唔系打到嘔

努力搵錢養成竇，朝六晚九唔駛抖

床上功夫識唔夠，記得請教D老友

今日決定接妳走，與妳永遠長廝守

兒孫滿堂福氣夠，共諧連理到白頭!

最聽話的老公仔 (新郎名稱)上

粵語搞笑結婚誓言：老婆嫁俾我

今日我要娶老婆，因為我已經大個

最想有個安樂窩，仔仔女女一籮籮

唔駛一世食白果，從此生活樂趣多

老婆規矩雖然多，對我嚴厲要求苛

終日啰啰又唆唆，對我日哦又夜哦

但求老婆笑嗬嗬，一一遵守又如何

成份糧比曬老婆，速磅cash快夾妥

每月家用任你攞，剩番散銀得幾個

無得再飲酒唱歌，乖乖在家同妳磨

捶骨推拿同按摩，家務我做快又妥

洗衫煮飯唔懶惰，洗完碗切埋生果

用完掃把用地拖，順手洗埋個廁所

若然我有咩做錯，激到老婆把幾火

跪地斟茶勐耳朵，以后只企唔敢坐

日后唔敢口多多，求求老婆饒恕我

將來我頭發稀疏，大肚腩個背又駝

癡癡呆呆戇夾傻，如果你唔嫌棄我

在座各位聽清楚，老婆老婆嫁俾我!

粵語搞笑結婚誓言：錫曬老婆仔

(新娘名稱)、(新娘名稱)我愛妳

老婆大人今日起，以后生活幸褔到痺

供樓水電我咩起，我D零用由妳俾

Prada、Gucci隨妳喜，最緊要系妳歡喜

對妳家人體貼又入微，歡迎外母住埋我地屋企

對妳朋友關照到飛起，介紹好仔俾佢地

對妳我就溫柔到痺，生生世世陪住妳

總之我由今日起，生命里面只有妳

(新娘名稱)、(新娘名稱)、我錫曬妳!

粵語搞笑結婚誓言：一生一世只愛妳

一生一世只愛妳，我愛(新娘名稱)情不變

一生為奴無怨言，買餸煮飯我做先

洗衫拖地我都掂，家用俾足無拖欠

名牌任買隨得妳，最緊要系妳歡喜

唔嫖唔賭唔食煙，篤波賭馬問你先

總之我由今日起，生命里面只有妳

以后妳話點就點，立下此誓永不變!

(新娘名稱)、(新娘名稱)、我愛妳

(新娘名稱)、(新娘名稱)、我愛妳!

粵語搞笑結婚誓言：愛妻十條

老婆沖涼時要量好水溫，捶骨擦背：不得有貪圖私欲之行為。

老婆掃貨時要勇于付款，幫手拎野：不得有不情不愿之行為。

老婆煮飯時要贊不絕口，食多幾碗：不得有厭叁厭四之行為。

老婆訓覺時要炎夏扇風，寒冬暖被：不得有打唿搶被之行為。

老婆訓話時要兩手貼緊，立正企好：不得有心不在焉之行為。

老婆不在時要朝思暮想，守身如玉：不得有偷雞摸狗之行為。

老婆敷臉時要提供方法，以身試法：不得有哈哈大笑之行為。

老婆生氣時要扮豬扮狗，討你歡喜：不得有不理不睬之行為。

老婆打我時要任其蹂躪，謝主隆恩：不得有還手瞪眼之行為。

老婆審問時要發誓賭咒，以表忠誠：不得有漫不經心之行為。