用一句夏日諺語做圖扇,用夏日寫一句話

近幾年唻，只要到入夏時節(jié)，流行一款迷你手持充電電風扇。從中小學生，乃至于到年長者，既覅管是勒拉烈日驕陽下頭，還是勒拉公交車站等公交車個辰光，也覅管是去小菜場買菜個辰光，還是菜市場里向個各位小商小販們，大家儕會得手持一把小電風扇，對牢自家去吹個覅停，好像已經(jīng)是成為一種標配，就連吾有去購買兩把。

只要儂搭吾是一個有心個人，還只要是儂搭吾用心個去觀察社會當中個林林總總，就會得發(fā)覺有迭能一樁事體哩，迭個就是－－今早仔伴隨著科技個發(fā)展搭進步，還伴隨著空調(diào)個廣泛普及，每家每戶至少儕會擁有一臺空調(diào)以后，可以講邪氣少有人愿意去使用扇子，既或許勒一些年長者，尤其是一些爺爺輩分個人，還會愿意去使用扇子，還或許，當代個一些文人墨客，還會得去使用各式各樣個扇子。

勒拉吾所在個城市上海、勒拉老底子空調(diào)還嘸沒發(fā)明以前、嘸沒普及到千家萬戶，每年至入夏時節(jié)，每家每戶幾乎是人人手拿一把扇子，且所用個扇子，也是各式各樣大小不一，具有覅同個特色。

夏天納涼個辰光，勒所有個扇子當中，蒲扇是頂大個、邪氣普通個，價鈿也是頂便宜個，勒拉掰搿辰光真可謂是價廉物美，每戶人家至少要配備兩把，因為伊是用細竹條圍起蒲葵葉子制作而成，因此講，又畀大家叫作“芭蕉扇”。盡管是迭能樣子，伊有一個缺點就是覅夠經(jīng)久耐用，辰光一長細細個竹邊邪氣容易開裂散架，頂多也就使用兩三年就要去換新個，每當有新買回唻個蒲扇，只為能經(jīng)久耐用一些，會用家里廢舊個、棄之覅用個布條畀伊包扎上一圈，再用針線畀縫補好。勒通常情況下頭，蒲扇用得頂頂多個，儕是一些老年婦女！

蒲扇除忒勒炎熱個夏季拿唻拂暑納涼外，伊還有另外一個作用，就是－－勒老底子由于每家每戶儕是依靠各式各樣個煤球爐子唻燒水做飯菜，且家家戶戶儕要生煤球爐子，用蒲扇扇風可以畀煤球爐子燒得更快更旺，還能時覅時個扇走爐子里冒出唻個煙塵。畀過，要是操作覅當或者操作覅夠規(guī)范，邪氣容易辣到眼睛嗆到鼻子，覅停個流眼淚水咳嗽，吾勒小辰光也生過煤球爐子，也碰到過上述情況個。

根據(jù)相關個專家通過嚴格個考證搭論證以后，就得出迭能一個結論唻個，迭個結論就是－－“扇子”是由吾伲中國人發(fā)明出唻個，然而，大家所熟悉個、各式各樣個“折扇”，卻覅是由中國人發(fā)明出唻個，而是由日本人發(fā)明出唻個。像“折扇”迭個詞語，伊最早就是出現(xiàn)勒吾伲國家歷史上公元5世紀個南北朝時期，勒《南齊書》上講道：“褚淵以腰扇障日。”，句子當中個“腰扇”兩個字，依據(jù)《通鑒注》上個解釋，“即為折疊扇。”“折扇”也是擁有交關多個別名，伊又名為“撒扇”“繖扇”“掐扇”“摺迭扇”“摺疊扇”“聚頭扇”“聚骨扇”“櫂子扇”“旋風扇”。畀過，“折扇”勒南北朝時期個辰光，還覅頂頂流行，一直要到北宋時期時，“如市井中所制折疊扇……展之廣尺三四，合之止兩指許”，市井有制，說明伊已經(jīng)覅是少數(shù)人專用個。雖說已覅是少數(shù)人專用個，對于一些普通老百姓唻講，依舊還是用覅起、覅能使用折扇個，真正開始風靡全國普遍去使用折扇，是從明朝永樂皇帝開始個，因明永樂皇帝喜歡使用折扇，因而帶動許多人儕去使用折扇，正所謂“上有所好，下必甚焉！”

依舊是通過吾查詢到有關于“折扇”個歷史資料，就曉得迭能個一種情況哦，自從全面普及使用折扇個那一刻開始起，吾伲國家個古人，每年只要是進入到入夏時節(jié)個辰光，“折扇”就是屬于一些文人雅士、有眼學問搭文化知識個人頂歡喜個一樣好么事，勒那些夏天個季節(jié)里向，還會拿各式各樣個折扇，一刻覅停個用唻扇風拂暑。

正因為勒拉吾伲國家傳統(tǒng)個文化當中，國人，以及各個社會階層里向個人群或個人，一直以唻儕是“交關歡喜折扇”迭種么事個。覅僅是迭能樣子，儂搭吾還只要是再一次個去觀察社會當中個林林總總，依舊會得發(fā)覺迭能一種情況哩，迭個情況就是－－尤其是對于那些年長者、爺爺那一輩個人唻講吧，【備注：辰光是勒電風扇搭空調(diào)嘸沒畀發(fā)明出唻個前頭。】也同樣是對于“折扇”鐘愛有加，既更是伊拉個眾多標配之一，勒夏季伊拉也可以說是扇覅離手個。即便是迭能，也同樣是要劃分出三六九等唻個，對于一般知識分子唻講伐，一般儕會得配之以普通個竹骨制扇子，選用“玉竹”“白竹”“斑竹”……

對于各個方面條件稍稍唻得好一眼個、屬于高級知識分子個人，會得去選用屬于紅木一類個扇骨，比方講：會選用“雞翅木”“紫檀木”“烏木”……還要是更好一眼個知識分子或好個人家，會得去選用一些珍貴個動物作為扇骨，有“玳瑁”“象牙”“牛角”……

一把折扇個扇骨，同樣也是有好有壞個，依據(jù)折扇扇骨個好壞程度，還會配之以相應個扇面，也由低配到高個，扇面分別為“紙扇”“絹扇”“絲扇”等等。勒“紙折扇扇面”當中，又可細分為：“素紙折扇扇面”“色紙折扇扇面”“金箋折扇扇面”“發(fā)箋折扇扇面”搭“集錦折扇扇面”等各種類別；勒“絹折扇扇面”當中，又可細分為“素絹”“金（銀）絹”搭“色絹”三個類別。吾記得勒拉掰搿辰光，一些年長者、爺爺一輩個人，絕大多數(shù)個人喜歡用顏色為黑色個素紙扇面，頂多就是勒黑色個扇面上頭去配之以燙寫金字。

“扇骨”又畀稱之為“扇股”，一把上好個“扇骨”就是以“檔”搭“尺寸”唻劃分個，最低個有九檔，最高個有四十檔，中間有十一檔、十二檔、十三檔……二十檔、二十二檔、二十四檔……伊個尺寸通常為五個類別，分別就是：八寸（28.3厘米）、九寸五（31.7厘米）、一尺（33.3厘米）、尺一（36.7厘米）搭尺二（40厘米），九檔搭十一檔是屬于日式扇骨，還要勒扇骨上頭描繪各式各樣個圖案，勒制作技法中有“陽雕”“微刻”“鑲嵌”“髹漆”“燙花”“手繪”。

除忒上頭所講個以外，扇骨個樣式也是由簡而繁、各式各樣、層出不窮個。勒最初個辰光，伊造型是“直式方頭”個，形狀是長而窄個梯形；后唻出現(xiàn)勒各式各樣個變化，有些扇骨伊尾部是圓形個，如同和尚個光頭一樣，稱之為“和尚頭”，“和尚頭”又分為“大圓頭”搭“小圓頭”；有些扇骨伊尾部如同彈奏樂器琵琶一樣，故而名為“琵琶頭”；有些叫做“螳螂腿頭”，皆因為扇骨個上頭較粗，而伊下頭邪氣細，形狀頗似螳螂腿，故而取迭個名字；有些扇骨是“波折式”個，伊大小扇骨儕做成“波折式”個，勒相鄰處個兩根扇骨有“波峰”搭“波谷”，“波峰”搭“波谷”間相交錯，好似層層波浪動感十足，迭種式樣一般多見于十六檔竹骨大扇，凡是種種還有交關多……

對于一些女小囡搭待字閨中個小姑娘唻講，多數(shù)人使用個扇子儕為“團扇”，伊形狀覅是圓形個，就是近似于圓形個橢圓形扇面，伊扇柄覅長，“團扇”又名為“宮扇”搭“紈扇”，伊最早出現(xiàn)勒吾伲國家個商朝時期，最初個材質(zhì)是用五光十色個野雞毛制作而成個，初名被定名為“障扇”，勒最初個辰光，伊功能覅是用唻扇風拂暑納涼個，而是作為帝王勒外出巡視時，專門用唻擋風遮陽避沙個。勒宋朝之前畀所有個扇子儕是叫作“團扇”，勒吾伲國家盛唐時期個著名邊塞詩人王少伯王昌齡著有《長信怨》一詩，其中就寫有“團扇”，伊勒第三句中迭能講道：“奉帚平明金殿開，暫將團扇共裴回。”

對一些中青年婦女唻講伐，尤其是經(jīng)濟條件好一眼個人家、還要講究精致生活搭品味個一些中青年婦女們，絕大多數(shù)個人儕歡喜使用“檀香扇”。據(jù)說“檀香扇”實則是由“摺扇”演化、演變而唻個，伊個扇骨是采用“檀香木”制作而成個。“檀香木”伊又叫作“旃檀”，伊個木質(zhì)皮膚色白者就是“白檀”，皮膚色紫者則就是“紫檀”，伊個木質(zhì)既是屬于石骨挺硬個，而且還自帶有一種純天然個香味道，勒夏天用檀香扇拂暑納涼扇風，就可以祛暑清心，可謂是清香四溢四處飄香，故而有“一扇勒手，香溢四座”個講法，更有“扇存香在”之美譽。一到入秋時節(jié)時，畀檀香扇藏入勒衣箱當中，覅但可以香襲衣衫，還能起到防蟲防蛀個功效。檀香扇通常可保存十年八載之久，即便已過忒保存年份，伊依然還能“日日花香扇底生”。勒吾個小辰光，家母倪榴珍就配有一把檀香扇，勒夏季還拿唻納涼拂暑呢！

“檀香扇”為吾伲國家個四大名扇之一，伊個制作技藝主要畀分成三個派別，伊拉分別就是指蘇式（蘇州制作）、杭式（杭州制作）搭廣式（廣州制作），蘇式多數(shù)以絹畫居多，杭式搭廣式多數(shù)以拉花著稱，蘇式個檀香扇，伊個“工藝精良”“玲瓏纖巧”“芬芳馥郁”，極富有地方特色，扇面大多用絹面，扇骨拉制出各式各樣個圖案，式樣就有得“全面”“格景”“中空”搭“西泠”等等，還配之以“四花”見長。【備注：所謂個“四花”就是指“拉花”“燙花”“雕花”搭“畫花”。】加之色澤秀麗典雅大方，故而頂受全國人民個喜愛。

俗語有言曰：“坐要有坐相，站要有站相！”，其實勒扇扇子個辰光，也同樣是有“扇相”個，也一樣能看出某人個品行，到底是哪能個，一些文人雅士、有眼學問搭文化知識個人，歡喜畀扇子置于胸前微微個輕搖著扇子；一些性格豪爽個彪形大漢，歡喜袒胸露乳大幅度覅停個狂扇；一些講究精致生活搭品味個中青年婦女，歡喜畀扇子遮擋住半只面孔，每到高興之處會莞爾一笑；一些老年婦女使用扇子是全方位多用途個，既為勒趕走周遭個蚊蟲，又為勒拍忒灰塵。

吾出生于20世紀70年代末期，盡管屋里也裝有吊扇搭空調(diào)，至今每到夏季仍然喜歡手拿一把折扇拂暑納涼，使用扇子就能拂暑納涼止住冒汗搭流汗個，堅決覅使用吊扇空調(diào)，扇子也是環(huán)保產(chǎn)品。

吾從小就對扇子鐘愛（青睞）有加個，時至今日吾依舊還能清爽個記得迭能一樁事體唻，就勒吾足歲六歲個辰光，母親畀我一把長度大約是勒13.5厘米個鐵質(zhì)小折扇，伊講就是畀儂勒夏天季節(jié)里向拂暑納涼個，打開折扇以后，扇面?zhèn)€其中一面印制有一朵盛開個黃顏色菊花，另外一面則是空白個。迭把小折扇大概是購買于20世紀個70年代初中期，是爺娘買畀大吾五歲個親大哥陸明勒夏季拂暑納涼使用個，等到伊長大成人覅用以后，家母伊又畀迭把扇子轉(zhuǎn)畀吾唻使用。

時至今日，吾仍然還能清爽個記得如下兩樁事體，儕因為迭個兩樁事體，搭折扇也是有得交關大個關系，也要放勒一道唻講講。

第一樁事體就是：吾從小到大深受二姨父沈長俊搭二姨媽倪榴英個喜愛，講吾為人就是屬于老實本分個，待人也是屬于真誠搭善良個，勒吾讀小學個辰光，每每一到放暑假個辰光，伊拉會唻接吾去伊拉個屋里住上一段辰光，二姨父屋里就有三把黑色扇面?zhèn)€扇子，其中個一把還燙有金色個中文漢字，吾總是拿姨父個扇子扇風納涼拂暑。

第尼樁事體就是：勒吾少年個辰光，尤其是勒讀小學個辰光，只要是一到炎炎個夏日時節(jié)，自家總歸是手覅離扇，拿起扇子覅停個呼呼扇起唻，因為自家購買個扇子，伊個材質(zhì)儕是交關推扳，每年夏季總要扇壞一兩把折扇，鉚扇骨個鉚釘總會從中間斷忒一分為二！

【備注：①：文章為作者原創(chuàng)；②：各種扇子圖片儕是唻源于網(wǎng)絡上頭個；③：萬分感謝原創(chuàng)圖片。】

杜老倌俠客居（陸偉）寫于2018年09月07日禮拜五夜里向